ایتھنز کے شمال میں جمعہ کے دن لوگوں کوحکومت نے کہا ہے کہ اپنے گھروں کو خالی کردیں۔ کیونکہ پانی گرانے والے طیاروں کے ساتھ سینکڑوں فائر فائٹرز چوتھے دن بھی تیز ہواؤں کی وجہ سے جنگل کی آگ پر قابو پانے کے لیے کوشش کر رہے ہیں ۔
دریں اثنا ، جمعہ کو ایتھنز کے شمال میں ایپوکراتیوس پالیتیا میں ایک 38 سالہ رضاکارپر بجلی کا ایک پائل گرا۔ جس کے وجہ سے اس کا سر زخمی ہو گیا۔ سر پر لگنے والے زخم کے بعد رضاکاردم توڑ گیا۔
سب سے پہلے آگ جو 5 اگست کو وسیلیکا پارنیتھا کے علاقے میں لگی تھی ۔اس آگ نے دو دن کے اندر ویری بوبی اور ایڈمز میں گھروں کوجلا دیا تھا۔ یہی اگ ایتھنز کو شمالی یونان سے جوڑنے والی مرکزی شاہراہ پر جمعرات کی رات تک علاقے کو اپنی لپیٹ میں لیتے ہوئے آغیوس استیفانوس اور لیک میراتھن تک بڑھ رہی ہے۔
ایویا میں آگ؛
آگ کے شعلے گوویز کے علاقے میں داخل ہوچکے ہیں ۔اور اب یہ آگ پیفکی کے علاقے کی طرف بڑھ رہی ہے۔جبکہ حکومت سمندر کے ذریعے آبادی کو محفوظ جگہ پر منتقل کر رہی ہے۔
شمالی ایویا کے علاقے میں آگ بے قابو ہو رہی ہے۔اس آگ سے اب انسانی جانوں کو شدید خطرہ لاحق ہے۔اور اس آگ کے بھڑکنے سے ہزاروں ایکڑ پر پھیلے کھیت،فصلیں اور گھر تباہ ہو رہے ہیں ۔
پہلے ہی ، بہت سارے ایسے مقامات ہیں جہاں دیہات خالی کر دیے گئے ہیں ۔جبکہ رہائشی اور سیاحوں کو محفوظ مقامات پر منتقل کر دیا گیا ہے۔ ۔ فی الوقت ، مجاز حکام نے 349 افراد کو بچانے کا کام کر لیا ہے۔
علاقے کی صورتحال ڈرامائی ہے۔ رہائشی یہ محسوس کر رہے ہیں کہ حکومت انکی کوئی مدد نہیں کررہی۔اپنی ضروری اشیاء کو بھی بچانا چاہتے ہیں ،نہ چاہتے ہوئے بھی انکو گھروں کو چھوڑنا پڑ رہا ہے۔
عوام کا غصہ؛
عوام اسوقت شدید ناراض ہے اور حکومت کی طرف سے مایوسی اور اداسی کا شکار ہے۔سینکڑوں گھر ، کاریں اور کاروبار جل چکے ہیں اور جانیں خطرے میں ہیں ، کیونکہ صورتحال کنٹرول سے باہر ہے ۔ایویا میں موجود لوگ سخت پریشانی اور بے تابی کا شکار ہیں ۔
آگ بجھانے کی کوششوں میں مزید اضافہ دن بھر تیز ہوائیں تھیں۔
دوپہر تک ، 112 ایمرجنسی کمیونیکیشن سروس کے ذریعے انخلا کے 13 پیغامات بھیجے گئے تھے۔
لیک میراتھن اور کالینزی کے قریب لوگوں سے کہا گیا کہ وہ گراماتیکو میں شفٹ ہو جائیں۔رودوپولی اور ستاماتا کے رہائشیوں سے کہا گیا کہ وہ ایتھنزکی طرف چلے جائیں ۔ اور ویری بوبی ، تھراکوماکیدونز اور اخارنس میں رہنے والوں کوکہا گیا ہے کہ وہ دوبارہ گھر چھوڑ دیں۔ تاتوئی ہوائی اڈے کے قریب دوپہر کے وقت شدید احتیاطی تدابیر کو ملحوذخاطررکھا گیا۔
کاپندریتی ، پولی ڈینڈری اور مالاکاسا سمیت دیگر علاقوں کے لیے بھی انخلاء کے احکامات جاری کیے گئے۔
جمعرات کی رات تک ، دو رضاکار فائر فائٹرز ایتھنز کے ہسپتال میں انتہائی نگہداشت یونٹ میں شدید حالت میں داخل رہے۔ وہ بنیادی طور پر سانس کی گھٹن میں مبتلا تھے ۔ جبکہ مبینہ طور پر ان میں سے ایک رضاکار جسمانی طور پر بھی زخمی ہو گیا تھا۔
تباہ ہونے والے گھروں اور کاروباری اداروں کے لحاظ سے تباہی کی حد کا مکمل اور تفصیلی جائزہ لینا ابھی ناممکن ہے۔
جمعہ کی سہ پہر کاتھیمیرینی سے بات کرتے ہوئے ، اوروپوس کے میئر ، یورگوس گیاسیماکیس نے کہا کہ پولی ڈینڈری ، کاپندریتی اور آئپوکریتیوس پولیتیا پانی کے بغیر رہ گئے تھے ۔کیونکہ آگ نے ڈیڈڈی پاور(بجلی) ڈسٹری بیوشن نیٹ ورک کو نقصان پہنچا ہے۔ جس سے پمپنگ اسٹیشنوں کو بجلی کی فراہمی ناممکن ہوگئی ہے۔ وسیع علاقے میں ہونے والے نقصان کا ذکر کرتے ہوئے ، انہوں نے کہا کہ “یہ بہت زیادہ ہے ، بہت زیادہ ہے۔”
دریں اثنا ، ایتھنز کے وسط میں پیڈین ٹاؤ آریوس پارک میں جمعہ کو ایک خاتون کو آتشزدگی کے شبہ میں گرفتار کیا گیا۔
گرمی میں کتنا اضافہ ہوگا۔
آنے والے دنوں میں محکمہ موسمیات کی پیشگوئی کے مطابق سوموار سر گرمی میں مزید اضافہ ہو سکتا ہے۔
احتیاطی تدابیر؛
زیادہ درختوں والے علاقوں میں جانے سے پرہیز کریں ۔
اس کے ساتھ ہی ، جنرل سیکریٹریٹ برائے شہری تحفظ شہریوں کو مشورہ دیتا ہے کہ وہ خاص طور پر محتاط رہیں ۔
اور دیہی علاقوں میں ایسی کارروائیوں سے گریز کریں جس سے آگ لگ سکتی ہیں ۔
جیسے خشک گھاس اور شاخیں جلانا یا ملبہ صاف کرنا ،
چنگاری پیدا کرنے والی مشینوں کا استعمال ،
بیرونی گرلز کا استعمال ،
تمباکو نوشی ،
ہلکی سی سگریٹ پھینکنا ،
یہ بھی یاد دلایا جاتا ہے کہ آگ کے موسم میں کھیتوں کو جلانا ممنوع ہے۔
آگ لگنے کی صورت میں شہریوں سے گزارش ہے کہ فوری طور پر فائر ڈیپارٹمنٹ کو کال نمبر 199 پر اطلاع دیں۔
جنگل میں لگی آگ کے خطرات سے محفوظ رہنے کے بارے میں مزید معلومات اور ہدایات کے لیے ، شہری جنرل سیکریٹریٹ برائے شہری تحفظ کی ویب سائٹ پر جا سکتے ہیں۔